2012, നവംബർ 29, വ്യാഴാഴ്‌ച

മുപ്പത്‌


പത്രത്തില്‍ മരിച്ചവര്‍ക്കായി
ഒരു പേജുണ്ട്...
ബാക്കിയെല്ലാം ജീവിച്ചിരിക്കുന്നവരുടെ
തോന്നിവാസങ്ങള്‍ക്കാണത്രെ....

2012, നവംബർ 28, ബുധനാഴ്‌ച

ഇരുപത്തി ഒമ്പത്‌


'പെട്ടന്നൊരു സ്‌ഫോടനം..
പിന്നെയാണീ പ്രപഞ്ചം
ഇക്കാണും രൂപത്തിലായത്..'

അധ്യാപകന്റെ വാക്കുകളില്‍ നിന്ന്
കുട്ടികള്‍ ഇങ്ങനെ തെളിവെടുത്തു:
-അന്നും അല്‍ഖാഇദ ഉണ്ടായിരുന്നു-

2012, നവംബർ 26, തിങ്കളാഴ്‌ച

ഇരുപത്തി എട്ട്‌


കല്ലെറിഞ്ഞ് മാങ്ങയറുക്കാമെന്നോ..
ഞാനില്ല...
മാങ്ങയൊക്കെ അഛന്‍
ഫ്രൂട്ട്ബസാറില്‍ നിന്ന് വാങ്ങിവരും..

ഇരുപത്തിയേഴ്‌


പ്രതിമകളാകാനായിരുന്നോ
കഴിഞ്ഞകാലങ്ങളില്‍ ഇവരിത്രയും
പണിപ്പെട്ടത്..?

2012, നവംബർ 23, വെള്ളിയാഴ്‌ച

ഇരുപത്താറ്‌


ഡെസ്‌ക് ടോപ്പിലെ ആകാശത്ത് പക്ഷെ,
നക്ഷത്രങ്ങളില്ല..
അത്‌കൊണ്ടാവും അമ്പിളിമാമനെ വേണമെന്ന്
കുഞ്ഞുമോന് വാശി പിടിക്കാനാവാത്തത്...

About Us

വായനക്കും നിര്‍ദേശങ്ങള്‍ക്കും സ്വാഗതം -യാസിര്‍ പാടൂര്‍ -മെഹദ് മഖ്ബൂല്‍